ما هي تداعيات الثورة و كيف تم التخطيط لها من الداخل و الخارج و كيف تم التنفيذ
اولا بسم الله الرحمن الرحيم
النهارده و انا بقلب في اليوتيوب لقيت الفيديو ده و ركزت فيه
و طبعا عايزكم كلكم تركزوا فيه عشان تجاوبوني او تفهموني الاسئلة دي
يعني ايه يوم 1/10/2010 يتقال ان حركة التغيير اتحركت و لا رجعة فيها ؟
يعني ايه يوم 24/10/2011 يتقال ان العصيان المدني الداخلي و الخارجي هيتم ؟
يعني ايه كل اللي اتقال في الفيديو ده ؟
الكلام ده لو صح ؟ (غالبا صح) يبقى ده انقلاب خارجي بمساعدة شباب مصر و ده بيترتب عليه حاجات كتير
اولها ان دي كده مش ثورة دي فوضى او انقلاب و ده طبيعي حرام شرعا و كلنا عارفين
ده معناه برضو ان اللي ماتو في الثورة او الانقلاب مش شهداء لان الخروج على ولي الامر و الخروج علية
يعتبر حرام مادام لم يأمرنا بمعصية الله (و هو لم يأمر)
و لو فعلا كانت ثورة هل في دليل من القرآن او السنه يقول ان قتلو شهداء ؟ مافيش دليل على كده
لان الثورة بتكون ضد مستعمر و ليس ولي الامر
و في النهاية دي حاجات جت في بالي ماعرفش صح و لا غلط بس اللي متأكد منو ان دي مش ثورة ان الناس دي مش شهداء
و اذا كلامي في غلط يا ريت حد يفهمني و كمان يفهمني ليه اترسخ في عقول الناس ان مصر
1 - تحت خط الفقر مع انها مش كده ؟
2 - 40 مليون او 40 % عاطل مع انهم 9 % بس ؟
3 - ان 25 % عندهم سرطان و ان مصر تحتل المرتبة رقم 4 بين دول العالم في مرض السرطان مع انها مش في المرتبة 200 من دول العالم ؟
4 - ان 50 % او 60 % عندهم فيرس C مع انها مش كده ؟
هل المرض ابتلاء من الله و لا الحكام هما اللي بيجبولنا المرض ؟
ليه اللي عملو رموز للثورة زي البرادعي و وائل و غيرهم ما انقذوش البلد من اللي هيا فيه حاليا ؟ و ليه الشباب حولو الثورة اللي عملوها لفوضى و خراب و بلطجة بدل ما يقفو ايد واحده ؟
و نفسي اسمع رد غير تقليدي زي ان اللي بيعمل كده هما فلول النظام السابق او عناصر النظام السابق على كده بقى الفلول و النظام السابق معاهم عصى سحرية او عصى موسى او سليمان مع ان لو معاهم فعلا العصى دي مش هيعرفو يعملو كل ده
و كل لما مصيبة تحصل في البلد نلاقي الناس نصين
النص الاول يقولك دي الفلول و اتباع النظام اللي بقى مش موجود
اما النص التاني و ده اللي بستغربة يطلعو يقولو دي ناس عايزة تلهينا عن محاكمة مبارك و النظام ( يا عم يولع النظام باللي فيه)
يا ريت نركز على مصر و نحبها و نخليها فعلا احسن
يا ريت حد يقدر يفهمني و يكون هو كمان فاهم و ركز في الاسئلة دي مش حافظ كلام و خلاص
اخليكم مع الفيديو و مستني رأيكم
الكلام اللي فوق صحيح مش مترتب بس انا خلاص فاض بيا و كان لازم افضفض
موضوع: ما هي تداعيات الثورة و كيف تم التخطيط لها من الداخل و الخارج و كيف تم التنفيذ و هل هيا بالفعل ثورة 
الأربعاء 18 مايو - 14:52
